Bisnono, che podaria esser,
me meto de colpo a computar
quel poco che so e non.

Me giro pian pianin al monitor
che la testa me gira bastanza,
ma’l anca, ma no tanto quanto.

Dopo sto primo ostacolo
a la tastiera el web e l’internet
i me se ofri lusinghieri.

Convinto aprofito fregandome le man
ma l'indice sinistro se ratrapissi,
orcotron…, e l'anulare col medio anca.

De bon Amleto me interogo indeciso
se al caso me stia più adato evitar sti strapazzi.
Bestion che son; sicuro!...me rispondo!;

Dito e fato, cambio idea. In ghingherli a farme
do passi in in piaza Grande no senza
l’ausiliario baston za del defonto mio caro noneto!