Da una richiesta del festival, Nevio Mastrociani bertola musica alcune poesie di conosciuti autori triestini. Qui trovate Virgilio Giotti
PREFAZIONE
FELIZITA' e MALINCONIA - voce e musica di Nevio Mastrociani Bertola
recita Nevio Mastrociani
Xe la felizita'
i oci; e lui el cuor
xe la malinconia.
I oci xe el pitor,
sua la felizita';
cuor e malinconia
xe inveze del poeta;
e xe la mia poesia.
E sta felizita'
e sta malinconia
strente le tegno,
che no le scampi via.
Co le gavero' perse,
co gavero' fini',
luse mia, mia ombra,
de sintirle, adio mi.
IN UNA MATINA IN RIVA
Ghe xe ‘na navisela sul mar blu,
e su, in zima del monte,
xe un paeseto nel sol,
contro grandoni bianchi nuvoli.
E un altro mi che xe in mi,
lu’ el voria
meterse dentro quela navisela
e andar, andar su la mareta alegra;
e anca andar el voria lontan là suso
in quel ciaro paeseto
e mi ridendo ghe digo de no,
e lui me ridi e el me disi
sì, sì.
