Lù; pur ogigiorno, animà de rado morbin,
par el forte atleta triestin,
tal ‘na sorta de redivivo Milani,
cò al Brezar (nostri bei tempi ‘ndai);
bala al pie, entrava fin in porta,
e dai spalti partiva sognanti e cadenzai:
“for...za - gre...ghi; for...za - gre...ghi”
Incitanti, tonanti.

Lù; leale amico sicuro
poi, che dal scenio del Politeama
amabile autor, ga dà vose e canto
a «Rena vecia», sua propria melodia;
(ricordi de co’l iera mulo).

Lù; giovanissimo e sgaio, per l’Italia,
coragioso e tra i primi nel ’33,
riscia la vita, senza ma, senza perché.
Ferì dal piombo stranier, a sorte amica
in ospedal finì; e a tempo, guarì.
Amico e grato ghe son, sì!

Lù; s’cieto interprete de triestinità,
tal puro grego de l’antichità,
spontaneo, focoso benevolo,
senza pei su la lingua, bonario.

Lù; amico a tuti, certo aedo e mente
de la nostra magnifica zità;

TRIESTE

Nevio Mastrociani Bertola
Trieste,26 settembre 2011