Vardo sta foto.
E me vedo decenne o poco più’
fra tanti altri insieme
i fu’ tuti amici
conossui in ricreatorio.

Sbagliar no posso,
lu; son mi.
In braghete curte curte,
maieta bianca linda,
“m” nera ricamada in centro peto.

Petinà lisso lisso, riga drita drita a destra.
Magiche le cure materne;
acqua corente,
manopola,
savon de scafa
scartaza,
mi son! mi! neto!
come sentirmele desso
terza fila in alto
ecome soridente in mezo
bala velenada in man.

Tanti e amici tuti,
e maestre e maestro,
menti a sani ludi intenti.

Balzar in gola un gropo
un nodo in peto.
In noi fioi
risento el «balilla»
baldanti a inni, a canti cori
a gite col ruksak,
da sani intenti fiorida
la nostra gioventù
vigorosa pulita, leale, decisa
bei quei tempi scorsi, ogi ignoti.

Diversi, pieni de ogni ben de dio
se filma senza negativi
ne linguele per tacar.

Tuto cambia.
De tuti sti qua solo un xe resta e mi.
Col “mouse- la webcam- e’l Skype,
ancora se parlemo e se vedemo
“ciao Giulio..., come te sta’?
Ma lù in America
E mi...qua’!