Su la motonave “Saturnia” che emozion!
“Salve Magna Parens Frugum Saturnia Tellus” **
stava scritto nel salon de la “Prima classe”.
Apena salpai, poco fora de Marsiglia,
in navigazion verso Barcelona: bel,
mar calmo, lisso come l’oio,
seren e ziaro el ziel,
una meraviglia!
El cuor felice del presente;
sul “Ponte de comando”, in aleta e de vedeta!
Solo...ma... atento a l’ emergenze!
Tutintun se presenta de nebia un banco,
grigio scuro, compato e bianco,
fisso, ma cussì fisso...gente,
de non veder più gnente!
Ciamo subito el “Primo”,
che paura...che fifa!
Sior Trani,... xe nebia de prua,... ghe zigo!
E lu, sereno, calmo e tranquilo:
“vardè alievo che non sè più a scola,
a bordo se scrivi sì’ nebia
ma... se pronunzia... caligo!”
Deghe de sirena...
oci verti...
mente sveia...
che altro no ve digo!
**Salve grande madre di messi, terra Saturnia(Italia)
Parole e musica di
Nevio Mastrociani Bertola