Tornar indrio coi ani,
e riandar al vissù,
par incredibile
ma i ricordi se fa vaghi,
quasi ombre per lo più!
Rifletendo con ostinazion
si che i afiora,
ma pigri, gelosi,
in scuro da la memoria;
dificile tirarli fora; alora
me armo de pazienza;
TORNAR INDRIO
Dedicata a Mario Cerlien marinaio amico del Bar Monci (Moncenisio)
come segregai
speto
e vien el momento
de adolcirghe el temperamento.
Difati, uno dei tanti
(parlo dei ricordi),
doloroso per la mia prima età;
disubidiente
a mio Papà e a mia Mama,
coro su le ali de la gioia,
ma inciampo
sul marciapie de via Ponziana.
Pianso a calde lagrime,
ma mio Papà per niente arabià
me rifila una sberla curativa
che la go ancora qua, drento de mi.
Coss’te go dito? El me fa.
Cori si, ma fora le man de scarsela.
Me ga bastà ;
per sempre caro, el mio Papà.
Trieste, 21 marzo 2011