Al Nautico 1943.
Ingenuamente compagnà
de mia Mama fin in primo pian,
entro in classe con ritardo lieve.
Senza riguardo,
Al Nautico 1943.
Ingenuamente compagnà
de mia Mama fin in primo pian,
entro in classe con ritardo lieve.
Senza riguardo,
tendo a cior posto soridente
rente la cattedra,
libero el primo banco.
In un atimo
el prof se alza de scato,
(lo vedo,
lo risento drento de mi ancora);
zo de cattedra,
davanti tutti increduli, sbalordidi,
calmo (forsi dentro de lù furente),
con forza
prima che me sento
el me ciapa e storzi l’orecio
(me sentivo un asino);
el me meti a la porta
e con do parole seche:
“fora de qua bestion”
a ciò che tuti i capissi la lezion;
e ancora:
“ritorna educatamente a la seconda ora!”
Mia Mama bonanima,
atonita, fora in coridoio
nel sacro silenzio de la Scola,
consapevole de un’epoca per mi nova,
meno materna ma benigna in quei ani
gravi de guera non la consola.
Sul momento non savevo perchè,
ma subito dopo sì.
Infati da quel dì in poi,
a futura memoria;
mai tardi a Scola:
regole, rispeto, studio;
per altre vie
el gaio e san morbin triestin
Bravo e sempre caro
el mio bon professor Bronzin!