Vigilata
Prima
dela guera co mi ierò picio,
i "vigili urbani" li ciamavimo ancora
guardie del radicio.
Tuti
noi, muleti, mulete e muloni
ierimo ganghe dispetosi
e per lo più non tanto boni,
lori
i guardiani invece, i ierà asai atenti,
pochi ma "vigili" e sempre presenti
In
giardin publico per esempio
ghe ne iera do
e qualche volta anca un,
ma dovevamo star sempre al 'erta,
non sepodeva sgarar che
el rivava tutintun.
Una
volta me ricordo che
per non eser ciapado,
me son meso a corer a più non poso
e per paura poco ga mancado
che non me la fazesi adoso!
Ogigiorno
i xe diversi;
tapadi, in auto, misciadi
e speso anche in tre,
ma tuto va in malora
e non se sa perché;
ghe ne xe tanti, ben tresadi
ma i xe come spaventadi.
Con
sta mularia moderna non i fa più tela
i sembra sempre più l'esercito dela "demoghela ".
Sta gioventù fa de lori quel che i vol
perché non xe più regole e
fermarli non i riva o "non se pol":
XE LIBERTÀ!!
Ma
adeso che son grande,
anzi vecio e stufo
e stago a momenti per sburtar el radicio
penso e vedo che iera asai meio tuto
prima dela guera,...co mi iero picio !
M.B.Nevio
27/12/1997
